“Azərbaycan Uşaqları” İB-li Bravo baş ofisində!

Bravo marketlər şəbəkəsinin baş ofis əməkdaşları “Azərbaycan Uşaqları” İB-nin gənc və istedadlı xanımları ilə görüş keçirdi. Bravo marketlər şəbəkəsinin əməkdaşları birliyin xanımları ilə hal-hazırkı fəaliyyətləri, gələcək planları haqqında maraqlı müzakirələr apardı. Əlavə olaraq onlarla motivasiya və özünü inkişafla bağlı fkir mübadilələri aparılaraq istiqamətləndirici tövsiyələr verildi.  

Keçirilən görüşün əsas məqsədi birliyin nəzdində olan xanımların həyata daha nikbin baxmaları, gələcəyə daha inamlı addımlarla qədəm qoymaqlarına kiçik də olsa töhfələr vermək idi.

Qeyd edək ki, Bravo marketlər şəbəkəsi “Azərbaycan Uşaqları” İB ilə daimi əməkdaşlıq edərək quruma mütəmadi olaraq qida və qeyri-qida dəstəyi də göstərir.