Bravo-da “Sosial Tərəfdaş” layihəsi çərçivəsində xüsusi endirimlərdən yararlanın

Bravo olaraq Əmək və Əhalinin Sosial Müdafiəsi Nazirliyinin təşəbbüsü ilə həyata keçirilən “Sosial Tərəfdaş” layihəsinə qoşulmaqdan məmnunuq.

Layihə çərçivəsində həssas əhali qruplarına aid şəxslər Bravo mağazalarında xüsusi endirim imkanlarından yararlana bilərlər. Endirimdən istifadə etmək üçün mobil telefonunuza mygov tətbiqini yükləyərək qeydiyyatdan keçməyiniz kifayətdir. Qeydiyyat tamamlandıqdan sonra sizə aid xüsusi barkod tətbiqdə avtomatik olaraq görünəcək.

Alış-veriş zamanı həmin barkodu kassada təqdim etməklə layihə çərçivəsində nəzərdə tutulmuş daimi endirimlərdən faydalana bilərsiniz.

Layihədən kimlər yararlana bilər?

“Sosial Tərəfdaş” layihəsi aşağıdakı kateqoriyalara aid şəxsləri əhatə edir:

• Yaşa görə pensiya alan şəxslər;
• Əlilliyə görə pensiya alan şəxslər;
• Ailə başçısını itirdiyinə görə pensiya alan şəxslər;
• Şəhid ailələri;
• Qazilər;
• Müharibə veteranları;
• Kompensasiya alan şəxslər;
• Ünvanlı dövlət sosial yardımı alan şəxslər.

Layihənin əsas məqsədi həssas əhali qruplarının gündəlik xərclərinin azaldılmasına dəstək olmaq və onların sosial rifahının yüksəldilməsinə töhfə verməkdir.

Bravo olaraq hər kəsi bu imkandan yararlanmağa dəvət edir, rahat və sərfəli alış-veriş arzulayırıq.