Bravo-da “Talassemiyasız Həyat Naminə” qanvermə aksiyası

19 fevral tarixində Heydər Əliyev Fondunun “Talassemiyasız Həyat Naminə” proqramı çərçivəsində BRAVO baş ofisində qanvermə aksiyası uğurla keçirilib.
Aksiya, talassemiya və digər qan xəstəliklərindən əziyyət çəkən insanlara dəstək olmaq məqsədilə təşkil olunub və cəmiyyətin diqqətini qanvermə hədiyyəsinin vacibliyinə çəkməyi hədəfləyib.
Qeyd edək ki, aksiyada iştirak edən hər bir BRAVO əməkdaşı Elmi-Tədqiqat Hematologiya və Transfiziologiya İnstitutunun Mərkəzi Qan Bankının həkim-hemotoloqları tərəfindən müayinə edilib, daha sonra qan veriblər.
BRAVO marketlər şəbəkəsi aksiyanın davamlılığını təmin etmək və cəmiyyətin daha geniş kəsimini bu cür xeyriyyə işlərinə cəlb etmək məqsədilə gələcəkdə daha çox qanvermə aksiyası təşkil etməyi nəzərdə tutur.
Qanvermə, insanların həyatını xilas edən və xəstəliklərlə mübarizə aparmağa kömək edən çox vacib bir addımdı.
BRAVO marketlər şəbəkəsi bu cür təşəbbüsləri ilə cəmiyyətin sağlamlığını qorumağa və sosial məsuliyyətlərini yerinə yetirməyə davam edəcək.